Sheryl Smith, profesor i farmakologjisë dhe fiziologjisë në Universitetin e New York-ut ka deklaruar se është zbuluar hormoni që prodhohet në organizëm si përgjigje ndaj streseve dhe shërben zakonisht për të hequr tensionin ose forcon gjendjen alarmante te të vegjlit.

Shkencëtarët e treguan këtë efekt paradoksal në disa eksperimente me minjtë, duke përshkruar kështu edhe mekanizmin e këtij fenomeni. Ky hormon u quajt THP ose allopregnanolone. THP “lind” në situata stresi dhe qetëson sistemin nervor, duke e ndihmuar kështu njeriun që të përballojë një situatë të caktuar tensioni dhe alarmi.

Eksperimentet u bënë me minj të moshës para dhe pas pjekurisë së tyre seksuale. Shkencëtarët i vendosën minjtë në një kontejner të ngushtë dhe i mbajtën atje 45 minuta, duke stimuluar për ta një situatë stresi. Pas 20 minutash, minjtë e vegjël filluan të tregoheshin më nervozë se kolegët e tyre “të rritur”. Doli se ky tension lindi si pasojë e veprimtarisë së THP, i cili kalon në qelizë nëpërmjet disa receptorëve specialë.

Në periudhën e pjekurisë seksuale, minjtë kanë një nivel më të lartë të këtyre receptorëve.

Sasia e tepërt e THP-së në qeliza ushtron veprimtari nxitëse, në vend që të bënte të kundërtën, pra të ushtronte veprimtari qetësuese. Shkencëtarët mendojnë se po të ketë të njëjtat rezultate edhe me njerëzit, ky zbulim do të ndihmojë për të ulur lëkundjet në humorin e shumë fëmijëve në rritje e sipër.

Postime te Ngjashme:

• Studimi, domate ngjyrë vjolë kundër tumorit
• Studimi, një proteinë që ngadalëson plakjen
• Shprehitë e këqija kanë efekt kancerogjen te pasardhësit
• Dashuria apo pasioni? Kush na e zgjat jetën
• Gjurmë gjenetike në çrregullimet e gjumit

Popularity: 1% [?]