Femra Shqiptare » Kujdesi per lekuren

Fytyra përsoset me rregulla

Derby — Mon, 23 Feb 2009 18:51:56 +0000

17 sekrete per nje fytyre te perkryer.

Nga kubat e akullit (per t’u kaluar mbi fytyre) ne perzierjen e fondotintes (per ngjyren ideale): make-up artist-et e sfilatave dhe femrave me te njohura te ekranit rrefejne detajet e zanatit

1. Primer-at

Quhen keshtu produktet qe aplikohen para trukut. “Mund te jene xhelera te tejdukshem ose me ngjyre, qe e bejne te lemuar lekuren, mbushin gropezat, i japin shkelqim, rregullojne prodhimin e yndyres, sigurojne qendrimin e fondotintes”, shpjegon Rajan Tolomei, make-up artist per Max Factor. “Per ne qe punojme me grimin, jane nje domosdoshmeri e vertete”. Ne praktike, duhet te jene hapi i pare i rutines se grimimit tuaj.

2. Arti i higjienes

Para se gjithash… “Per te aplikuar fondotinten, ka nga ato qe perdorin sfungjer (ideal per fondotintat kompakte), disa gishtat ose furçe per te perhapur ato me te lengshmet. Ka secila mjetin e saj, por qe duhet te jete rreptesisht personal. Mikrobet ndodhen perhere ne duar, fije dhe fibra dhe te gatshme per te shkaktuar puçrra ose irritime”, tregon Donatella Ferrari, make-up artist per Helena Rubinstein. “Keshilloj ta lani furçen dhe sfungjerin te pakten dy here ne jave me sapun me PH neutral dhe uje te ngrohte”.

3. Si te zgjedhesh sfungjerin dhe furçen

Veglat e zanatit. “Per fondotinten preferoj sfungjerin: perdoret per nje kohe me te shkurter dhe prandaj eshte me higjienike. Me mire zgjidh nje me fije najloni, sepse thith me pak produkt dhe siguron nje aplikim te njetrajtshem”, thote Donatella Ferrari. “Per ke i pelqen me shume furça, do qe e pershtatshme nje e madhe, me fije te gjata dhe te sheshta”.

4. Ligji i ngjyrave

Bej korrektimin kromatik. “Dhe pse nuk eshte intuitive, eshte e nevojshme te dish qe e verdha mbulon te kuqen dhe e kuqja mbulon blune. Pra, per zonen rreth syve, qe priret drejt nuancave jeshile-blu, duhet perdorur nje korrektor ne tone te kuqe dhe, per te mbuluar njollat e skuqura, nje korrektor ne nuance te verdhe”, shpjegon Alessandro Bertolazzi, make-up artist i Monica Bellucci-t.

5. Goditjet qe zhdukin rrathet e syve

E rendesishme eshte “te godasesh”. “Zhdukini rrathet e syve me pak korrektor ne zonen rreth tyre, me pas perhapni nje shtrese te holle fondotinte, duke rrahur lehte me molleza, thote Bertolazzi. “Pastaj shumojeni drejt pjeses se siperme”.

6. Shiko mire etiketen

…dhe jo vetem ngjyren. “Kush ka lekure te thate, duhet te kontrolloje qe fondotinta te jete hidratuese”, thote Gina Brooke, make-up artist e Madonna-s dhe drejtore artistike per Shu Uemura. “Kush ka lekure te yndyrshme, duhet te perdore nje oil free ose puder. Per lekurat mikse, fjala kyç eshte “ekuilibrim”: thuaju “po” produkteve qe ekuilibrojne perberjen e zonave te ndryshme te fytyres”.

7. Kura “pre”

Pergatisni lekuren. “Ështe thuajse e panevojshme te thuhet: baza do jete e perkryer vetem nese fytyra eshte pastruar me skrab dhe eshte hidratuar”, thote Gina Brooke.

8. Pertacia eshte e ndaluar

Asnjehere nuk duhet te jesh shume e zene per te qene e bukur. “Rregulli i arte per nje baze perfekte eshte ta realizosh sipas menyres qe kerkon. Çdo faze, nga perhapja e fondotintes, te tamponimi me korrektor e deri te pudra perfundimtare, zbatohet me kujdes”, tregon Bertolazzi. “Pjesa perfundimtare eshte shume e rendesishme: pudra dhe/ose pluhuri i orizit me ngjyre neutrale, jane truku qe te arrihet nje lekure qe shkelqen”.

9. Rinovimi per oret jashte orarit

Kurre mos e hiq trukun. “Per t’u pergatitur per mbremje, keshilloj te punohet mbi bazen qe eshte”, shpjegon Rajan Tolomei. “Ndonjehere mjafton te shtohet nje pike fondotinte, ose te sprucosh pak avuj uji per te hequr tepricat e pudres. Ne kete menyre baza rikthehet persosmerisht kompakte”.

10. Sekreti anti-papersosmeri

Te korrigjosh me ngjyra me te erreta. “Per te fshehur njolla, puçrra apo probleme te fytyres, perdor gjithmone nje korrektor me te erret se lekura jote”, shpjegon make-up artist-i i Monica Belucci-t. “Pastaj, mbi kete baze, kalo nje te se njejtes nuance me lekuren ose gjithsesi me te hapur. Me beso: njetrajtshmeria eshte e sigurt”.

11. Po qafa?

Per mos te prishur bazen. “Ështe vetem nje gabim qe grate nuk duhet ta bejne kurre dhe eshte me i rendi: te mos trukosh qafen”. Keshtu deklaron Gina Brooke, make-up artist-ja e Madonna-s.

12. Ngjyra e duhur

Perziej. “Receta ime personale eshte te perziesh edhe dy ose tre fondotinta te ndryshme per te pasur nuancen qe kerkon”, thote Gina Brooke. “Po ta gjeni ngjyren e pershtatshme, mund ta perdorni gjithmone pastaj”.

13. Veprimi S.O.S.

…dhe i bere vete. “Ne mungese te nje korrektori portokalli, ideal per te fshehur rrathet e syve dhe puçrrat, zgjidhja eshte te perzihet me nje furçe pak korrektor neutral me nje buzekuq ngjyre mandarine”, tregon Donatella Ferrari, make-up artist per Helena Rubinstein.

14. Nese qan…

Efekt rikuperues. “Sekreti eshte te lyesh nje tampon pambuku me pak krem hidratues, ta kalosh ku loti ka bere demet e tij dhe te vesh siper fondotinte dhe puder per ta fiksuar”, shpjegon Donatella Ferrari.

15. Pas festes

Keshtu fshin gjurmet e nje mbremjeje te lodhshme. “Sekreti qendron te nje kub akulli qe duhet kaluar mbi fytyre, pas aplikimit te kremit hidratues”, keshillon Tolomei. “Lekura rifiton nje freski te menjehershme dhe zona me delikate rreth syve rimerr, fale te ftohtit, force dhe elasticitet. Kujdes: kurre mos vepro ne kete menyre pas nje dushi te nxehte. Lekundjet e temperatures duhen shmangur.

16. Ndryshim!

Fondotinta eshte si nje veshje: nderrohet çdo stine. “Per te pasur gjate gjithe vitit fytyre te perkryer, fondotinta duhet nderruar si nje veshje”, thote Rajan Tolomei, make-up artist per Max Factor. “Pra, mos u fikso te nje produkt i vetem, po zgjidh perberje me te plota ne dimer dhe me produkte me te lengshme, te pershtatshme per lekure te yndyrshme ne vere. Te besh te kunderten do ishte si te vishje te leshta ne det dhe te pambukta ne mal”.

17. Pudra e mamit

Pluhuri i holle ose kompakt nuk eshte me deshire. “Per te fiksuar dhe njetrajtesuar bazen, nuk mund t’ia dilet pa te! Pudra eshte hapi i detyrueshem per te gjitha grate qe deshirojne nje lekure pa njolla dhe nje make-up qe zgjat”, shpjegon Tolomei. “Ky pluhur, me ngjyre ose transparent sipas deshires, kur aplikohet fillimisht ne fytyre, duket se nuk shkakton asnje permiresim: po mjafton te presesh vetem 15 minuta dhe ja ku vjen mrekullia. Duke u ngrohur nga kontakti me epidermen, perzihet me fondotinten e jep si rezultat nje efekt natyral, si lekura jote”.

Postime te Ngjashme:

Dita e bukurisë

Derby — Sun, 15 Feb 2009 11:06:12 +0000

Nje dite e tere dedikuar bukurise

Kush ndihet e bukur, duket e bukur. E vertete, por nuk mund te mjaftohesh vetem me kaq. Te pakten nje here ne muaj ler gjithçka menjane dhe dedikoju vetes tende. Merru me çdo pjese te trupit. Qe nga maja e thoit e deri te floket, pa lene pas dore asnje detaj. Perkedhelu dhe mos harro: per t’u ndier ne forme, mjafton te gjesh harmonine e brendshme, ndaj fillo te pergatitesh qe nje nate me pare. Ja keshillat tona

Nje nate me pare

Para se gjithash, krijo rreth vetes nje atmosfere relaksuese: zgjidh nje muzike te qete qe te mundeson te lesh pas shpatullave çdo mendim negativ ose stresues. Pergatit nje darke te mire e te lehte me baze peshku, per shembull: ton, perime te fresketa te gatuara ne avull dhe fruta te fresketa. Konsumoje brenda 20 minutash, ne menyre qe te thjeshtosh procesin e tretjes dhe te mos e rendosh organizmin. Shtrihu heret ne shtrat dhe fli te pakten 7 ore gjume. Dhe para se te flesh, mos harro banjen e ngrohte!

Relaks ne vaske

Nje banje e mire duhet te zgjase maksimumi 15 minuta, ne menyre qe sistemi i qarkullimit te gjakut te mos lodhet dhe lekura te mos thahet shume. Temperatura ideale e ujit duhet te jete 35 deri 38 grade. Per ta bere banjen edhe me te rafinuar, mund te hedhesh ne uje ca pika vaji esencial, per shembull vaj shporizi, qe ndihmon per qetesimin e ankthit, pagjumesise dhe tensionit nervor. Thuaji vetes “naten e mire” duke gjerbur nje çaj qetesues pasi ta kesh embelsuar me pare me mjalte.

Ne zgjim

Shtriqu. Ndiq levizje te thjeshta, qe riaktivizojne qarkullimin. Rrotullo duart, kembet zgjat krahun dhe kemben e majte, pastaj krahun dhe kemben e djathte. Sapo te jesh ngritur ne kembe, buzeqesh, pi nje leng te shtrydhur frutash te fresketa dhe pergatitu per nje dush te mire. Rregullo temperaturen e ujit qe te jete i ngrohte: sherben per te hapur mire poret e lekures dhe pergatitu per trajtimet e mepasme.

Skrab, skrab, skrab

Me lekuren ende te lagur, pergatitu per nje nga gjestet me te rendesishem te dites tende te bukurise: te çlirosh lekuren nga qelizat e vdekura dhe pastertite. Kalo mbi lekure nje eksfoliant te mire, qe permban mikrogranula. Shperndaje mbi siperfaqen e epidermes ne menyre qe te stimulosh mikroqarkullimin e nenlekures dhe te favorizosh oksigjenimin e shtresave. Perqendrohu me shume te berrylat dhe gjunjet, ji delikate ne zonen e gjoksit dhe kraharorit dhe mos harro shpinen. Lekura dhe qafa duan te njejtin trajtim, por me nje produkt specifik.

E kane radhen floket

Laji floket me nje shampo delikate, qe me pare e ke holluar ne uje. Masazho lekuren per rreth nje minute dhe pastaj shpelaje mire koken, pasi te sigurohesh se e ke eliminuar te gjithe shkumen. Uji nuk duhet te jete shume i nxehte, sepse ndryshe floku dobesohet. Krihu me nje kreher te drunjte dhe pastaj apliko nje maske rigjeneruese per rreth gjysme ore. Zgjidh nje maske te pershtatshme per flokun tend dhe mos harro se, edhe nese nuk ke probleme specifike, do te te sherbeje per t’i mbajtur floket te shendetshem e te forte. Ne fund, nese ben vape, leri floket te thahen ne menyre natyrale.

Dopio-maske per fytyren

Lekura e fytyres, duke qene e ekspozuar ndaj agjenteve te jashtem, plaket me shpejt. Te pakten nje here ne muaj eshte rasti per t’i dedikuar dy kura: nje maske pastruese deri ne thellesi dhe nje maske rigjeneruese per ta ushqyer. Zgjidh trajtime te pershtatshme per lekuren tende dhe pastaj shperndaje produktin ne menyre uniforme: nga balli tek mjekra, duke shmangur qepallat, rrathet e syve dhe buzet. Lere te pushoje aq sa e kerkon produkti dhe me pas shpelaje me uje te ngrohte. Ne fund vendos mbi fytyre nje tonik, qe i jep lekuren shkelqim.

Cheeeseee: buzeqesh!

Nje buzeqeshje e bukur kerkon buze te kuruara dhe dhembe te shendetshem. Edhe ne kete rast duhen eliminuar qelizat e vdekura. Kalo mbi buze nje furçe te bute duke ndjekur levizje rrotulluese. Ky veprim sherben edhe per te riaktivizuar qarkullimin. Ne fund hidratoji bollshem dhe masazhoji, ne menyre qe te shmangesh formimin e rrudhave te vogla. Perfundo duke lare dhembet, duke u kujtuar qe furça duhet kaluar nga lart poshte, pa harruar nje perdorim te mire te fillit dentar.

Kembe e duar

Jane detajet qe bejne diferencen, ndaj mos i ler pas dore ekstremitetet dhe vazhdo diten tende te bukurise me manikyr dhe pedikyr. Kujdesu qe te kesh aceton delikat, krem per kutikulat, shkoptha portokalli, lime kartoni, nje baze mbrojtese dhe smalt ne ngjyren e preferuar. Disa keshilla te vogla: mos i pri thonjte me prerese, por me lime dhe mos u jep atyre te kembeve forme ovale, sepse tek cepat thoi hyn ne mish. Kutikulat duhen shtyre perreth thoit vetem pasi t’i kesh lene duart per pak kohe ne uje te ngrohte dhe sapun. Nuk keshillohen te priten.

Hidrato trupin

Mire. Nese i ke ndjekur te gjitha keshillat e mesiperme, tani lekura eshte gati per t’u hidratuar. Shpernda mire neper gjithe trupin nje krem ose vaj qe e mban lekuren elastike dhe perfito per nje masazh te shkurter. Ndiq levizje te vogla rrotulluese me duar ne menyre qe te riaktivizosh qarkullimin dhe te favorizosh oksigjenimin e shtresave te lekures, duke pasur parasysh se levizjet duhen bere gjithmone nga poshte, lart. Ne kete pike je gati: mbylle diten tende te bukurise me pak nga parfumi yt i preferuar dhe sheno ne axhende daten per muajin tjeter.

Postime te Ngjashme:

Dieta me molle

Derby — Tue, 10 Feb 2009 20:04:54 +0000

Frazeologjia angleze e pershkruan kete frut keshtu: “Nje molle ne dite, i thote mjekut ik”, qe do te thote se efektet e saj jane te shumta dhe mjaft kurative. Ne baze te nje studimi qe ka bere studioja e njohur e dietave “San Xhorxh” ne Londer, vihet re se mes 50 personave te cilet kane mbajtur diete me fruta, ata qe kane perdorur mollen si diete kane mundur te humbasin disa kilograme brenda dhjete diteve, pa demtuar organizmin. Studiuesit tregojne se ne shumicen e rasteve aplikimi i dietave behet shkak per prishjen e regjimit te shendetit tone, duke pasur efekte negative mbi shendetin. Nderkohe qe me mollen nuk ndodh keshtu. Me te gjitha vlerat ushqyese qe ka fruti i molles, ai arrin qe te mbaje trupin ne nivel normal, si dhe duke eliminuar dhjamerat e teperta. Flavonoidi, arrin te fute ne aksion fibrat e trupit tone, pa demtuar organizmin, nderkohe qe aksioni do te ndihmohet nga vitamina C, e cila ben te mundur djegien e te gjitha lendeve te demshme qe gjenden ne trup dhe shkaktojne mbipeshen, siç eshte kolesteroli dhe disa oksidante te tjere, te cilet behen shkak per plakjen e parakohshme. Ne 100 grame molle do te gjejme 40 kalori, 10 grame sheqerna, potas, nderkohe qe ajo permban njekohesisht vitaminat B dhe C, acidin nitrik dhe acidin malik. Vitamina B1, e cila gjendet me shumice te molla, te ndihmon te heqesh lodhjen, nervozizmim si dhe mungesen e oreksit, ndersa vitamina B2 i mbron muskujt e gojes, riforcon floket dhe shmang rudhat, ndersa acidi nitrik dhe ai malik bejne te mundur shkrirjen e ushqimeve te renda ne stomak, ne menyre qe te mos e lodhin ate, ndersa vitamina C sherben per te dezinfektuar te gjithe organizmin dhe veçanerisht aparatin e te ushqyerit si dhe arrin te djege te gjitha mikrobet e ndryshme qe gjenden pergjate saj.

Si ta fillojme?

Ne darke sugjerohet qe te shkojme per te fjetur duke pire fillimisht nje gote me leng molle. Kujdes nese lengu qe pini eshte qind per qind leng molle, ne menyre qe edhe dieta te arrihet plotesisht. Nderkohe qe ne mengjes e nisim diten serish me nje leng molle te fresket. Rreth ores njembedhjete fillojme dhe qerojme nje kokerr molle, pasi ta presim ne feta e vendosim ne nje pjate dhe me pas derdhim mbi te pak leng limoni. Efekti i kurativ eshte shume i madh, nderkohe qe arrin te mbaje ne nivele te pranueshme edhe lekuren e fytyres. Gjate paradites sugjerohet ngrenia e gjysmes se kokrres se molles, nderkohe qe orari tjeter i fillimit te dietes eshte ai i pasdites, rreth ores kater ose pese. Duhet te kemi parasysh qe limiti midis periudhes se pare dhe asaj te dyte, te mos jete me shume se pese ore. Pra nese kemi ngrene gjysmen e molles ne oren 11, gjysmen tjeter duhet ta hame pas pese oresh, pra ne oren kater te pasdites. Nderkohe qe ne mbremje nese deshironi, mund te jeni tolerante, duke ngrene nje darke te lehte, por mos harroni se nese do te hame ushqime gjate dietes, efektet do t’i shihni me vonese. Nderkohe qe mos harroni keshillen qe ju kemi dhene ne fillim para se te shkoni per te fjetur; serish nje gote me leng molle, ne menyre qe te kompletoni dieten e dites suaj. Nese vazhdoni keshtu per dhjete dite, atehere do te shihni se do te humbisni pothuajse nje kilogram ne dite dhe ne rast se nuk i qendroni asaj besnik, atehere serish do te shihni se do te keni humbur disa nga kilet tuaja te teperta. Nderkohe qe brenda dietes se sugjeruar, ju sugjerojme qe ta kompletoni ate me ane te nje maske. Pasdite per te gjitha ata persona qe e shohin se po i shtohen rudhat e fytyres, mund te perdorin nje maske, e cila perbehet nga feta te holla molle si dhe nje gote qumesht. E mbajme ate per 45 minuta dhe me pas e pastrojme me uje te ftohte, ne menyre qe te aroma e molles te mbetet per nje kohe te gjate ne epidermen e lekures, duke sherbyer si nje tonik perfekt i saj.

Mollet qe mund te na hyjne ne pune

Mos harroni se ne treg gjenden shume lloje mollesh. Mendoni se 7 mije varietete kultivohen ne te gjithe boten, te gjitha me aroma, ngjyra dhe madhesi te ndryshme, qe do te thote se efektet nuk jane njesoj. Nder me te zakonshmet dhe qe ka me shume efekt, jane mollet renete, limonelat dhe te famshmet Granny Smith. E para ka efekt vertet te madh, nese do te perdoret ne dieten e sugjeruar. Origjina e molles si frut, vjen nga vendet e Azise Qendrore dhe asaj Perendimore, i cili kultivohet prej shekujsh ne te gjithe boten. Mollet me te mira per dieten tone jane ato me ngjyre te gjelber, kjo per faktin se ato permbajne shume sode dhe menjehere sapo hyjne ne organizem hyjne ne veprim te menjehershem me acidet e tjera te trupit. Kujdes, mos i vendosni mollet ne nje vend me frutat ose perimet me gjelle, pasi ajo prodhon nje gaz natyral qe eshte etileni, se bashku me bananet dhe pjeprin, qe mund te prishe edhe ushqimet e tjera qe gjenden aty. Mollet jane shume te pasura me fibra dhe ndihmojne per te mbajtur ne nivelin baze kolesterolin si dhe parandalojne kancerin. Me ane te nje molle ne dite, ne sigurojme 20 per qind te fibrave te nevojshme ne nje dite, po kaq kalori dhe yndyrna, me perjashtim te kolesterolit. Ne rast se nuk doni t’i hiqni molles lekuren, pastrojeni ate me leng limoni, portokalli ose ananasi, ne menyre qe efekti i dietes se sugjeruar te jete sa me i plote dhe i efektshem.

Efektet e molles

Ne 100 grame molle do te gjejme :
40 kalori
10 grame sheqerna
Potas
Vitamina B dhe C,
Acidin nitrik dhe acidin malik.

Efektet e molles
-Vitamina B1, largon lodhjen, nervozizmin si dhe mungesen e oreksit
-Vitamina B2, forcon muskujt e gojes, riforcon floket dhe shmang rudhat
-Acidi nitrik dhe ai malik shkrijne ushqimet e renda ne stomak
-Vitamina C, dezinfekton organizmin dhe aparatin e te ushqyerit

Postime te Ngjashme:

Kujdesi per Lekuren

Derby — Sat, 27 Dec 2008 22:13:49 +0000

Vitrinat e dyqaneve jane plot me produkte per lekuren dhe shume prej tyre premtojne heqjen e rrudhave, disa zbutjen e lekures e te tjera jane kunder acarimit dhe infektimit.

Pyetja qendron: Kush nga keto jep rezultate? Per cfare agjentesh dhe vitaminash duhet te kemi kujdes qe te lexojme ne permbajtejen e tyre?

Pergjigja eshte: anit-oksiduesit

Anti-oksiduesit jane agjente qe e mbrojne lekuren nga demtimi qe mund te shkaktohet nga reaksionet kimike mbi fytyre. Ka disa faktore te ndryshem si irritimi, tharja nga te ftohtit, dielli i forte dhe smogu qe krijone radikale te lira. Keto radikale mund te japin kontribut ne procesin e shkaterrimit te qelizave te reja dhe te shendetshme te lekures.

Anti-oksiduesit si per shembull vitamina C dhe E i luftojne keto radikale te lira dhe prandaj kompanite e medha te produkteve kozmetike po mundohen dita dites qe te gjejne menyrat me efektive per te shperndare anti-okdiduesit mbi lekure. Deri 5 vite me pare dermatologjistet nuk besonin se lekura mund t’i thithte vitaminat nese ato aplikoheshin ne siperfaqe. Por sot shume prej ketyre kompanive po eksperimentojne per te bere te mundur qe vitaminat te japin efekt ne zonat ne te cilat aplikohen. Shkencetaret thone se konsumimi i vitaminave C dhe E ne sasite e duhura ndihmon shume ne parandalimin e plakjes se qelizave te lekures.

Nje pergjigje tjeter e pyetjes se mesiperme jane Acide Alfat Hidroksike. Keto acide vijne nga ushqime natyrale si qumeshti, portokalli, limoni, sheqeri etj. Disa nga keto acide mund edhe te prodhohen kimikisht. Dermatologjistet jane te sigurte se keto acide zbusin lekuren dhe ndihmojne ne procesin e largimit te qelizave te vdekura duke sjelle ne pah qelizat e reja dhe te shendetshme. Ne te njejten kohe keto acide kurojne demtimin e lekures nga rrezet e diellit, ketu nuk behet fjale per djegien e lekures, por per efektin qe ka dielli mbi fytyren e ekspozuar prej nje kohe gjate (rrudhat, pigmenti, qukat etj.)

Ata qe i kane perdorur Acidet Alfa-Hidroksike per nje kohe te gjate dhe ne menyre sistematike kane treguar shenja permiresimi ne zbutjen e lekures, rrallimin e rrudhave dhe largimin e qelizave te shtreses se vdekur siperfaqesore te lekures. Por duhet te kini kujdes, sepse perdorimi i kremerave qe permbajne keto acide e ben lekuren shume te ndejshme ndaj rrezeve diellore prandaj duhet perdorur patjeter krem plazhi kudra djegjes se lekures. Kohet e fundit po prodhohen dhe tone qe permbajne krem qe te mbron nga dielli me numer 15 apo 16 dhe kjo perben nje zgjidhje fantastike. Shoqeria duhet te sensibilizohet ndaj perdorimit te kremit te plazhit vecanerisht ne fytyre por edhe ne krahe, jo vetem per te ndaluar procesin e plakjes se lekures por edhe per t’u ruajtur nga kanceri i lekures.

Ne permbledhje, per t’u kujdesur per lekuren e fytyres duhet te konsumoni vitamine C dhe E cdo dite, ose fruta qe i kane keto vitamina; si dhe te keni kujdes kur te zgjidhni kremerat qe reklamohen neper dyqane. Shihni per kremera qe kane bllokojne rrezet e demshme te diellit, vitamin C dhe E si dhe acidet Alfa-Hidroksike.

Postime te Ngjashme:

Armiqtë e lëkurës femërore

Derby — Tue, 23 Dec 2008 21:06:03 +0000

Sa rrezikojne temperaturat e uleta, smogu i qyteteve, rrezet ultraviolete dhe pirja e duhanit…

Çdo dite kur zgjohesh, por edhe para se te flesh, pastron lekuren tende me late dhe tonik dhe e “ujit” me nje produkt me veprim te lehte hidratues.

Me pas e ushqen me nje krem antirudhe. Edhe pse ndjek ne menyre skrupoloze abc-ne e bukurise, perseri fytyra jote nuk ka nje pamje shume te kenaqshme. Gjithashtu irritohet dhe skuqet me lehtesi.

Shpjegimi eshte i thjeshte: lekura me kalimin e kohes tenton te fishket, pasi eshte normal procesi kronologjik i plakjes. Por kesaj i shtohen edhe nje sere faktoresh me veprim agresiv mbi lekuren tone…

Efektet e te ftohtit
Dimri eshte shume i pershtatshem per te fjetur. Edhe lekura jote mendon keshtu. Ne temperaturat e uleta metabolizmi i qelizave ngadalesohet dhe lekura rinovohet me me veshtiresi. Jo vetem kaq, i ftohti tenton te dobesoje filmin hidrolipidik (barriera e mbrojtjes natyrale) dhe vepron ne shtrengimin e kapilareve.

Ne kete menyre ne fytyre do te qarkulloje me pak gjak (pra me pak ushqim) per qelizat. Pasojat kryesore jane moshidratimi, skuqja dhe kapilaret e kuq qe fillojne te evidentohen. I ftohti behet nje armik kritik sidomos mbas te 40-ve.

Ngadalesimi i metabolizmit implikon edhe nje kapacitet me te vogel per te neutralizuar radikalet e lira, pergjegjeset kryesore te plakjes. Enzimat, substancat kimike qe duhet te na mbrojne, nen efektin e te ftohtit punojne me nje efikasitet me te vogel.

Mbroji syte dhe buzet me nje krem specifik dhe perdor nje here ne jave nje maske hidratante (me efikase jane ato me baze ekstrakte vegjetale te cilat kane edhe nje veprim antiskuqje).

Ver ne tavoline omega 3 (sardelet dhe salmonin), yndyrat qe fuqizojne mbrojtjen e lekures, vitaminen C (kivi, agrume, speca): veprimi i tyre antioksidues forcon kapilaret.

Plakja

Ke nje lekure me te re ne krahasim me bashkemoshataret e tua. Falendero mamin dhe babin: te kane dhuruar gjene qe ta mbajne kompakte me gjate se zakonisht.

Plakja kronologjike ne krahasim me ate te shkaktuar nga rrezet e diellit, eshte e lidhur me faktoret biologjik gjenetik te ADN-se tone te cilat japin instruksione per te ndertuar organizmin tone.

Per te kontrastuar shenjat e kohes qe kalon, eshte mire qe t’i sigurojme epidermes nje hidratim deri ne 30-35 vjeç. Pastaj shtohet edhe ushqyerja per te stimuluar formimin e kolagjenit dhe te elastines.

Plakja e lekures fillon qe diten kur lind, por sigurisht shenjat e para duken rreth moshes 30 vjeç, me daljen e rrudhave te para qe krijohen nga mimika, parregullsi te vogla rreth syve, anes buzeve dhe gojes te cilat mund te maskohen lehtesisht me truk.

Perdor produkte antioksidues dhe hidratante dhe zgjidh trajtime sipas moshes tende.

Por mbas te 30-ve nje here ne vit duhet te besh nje vizite dermatologjike per te vleresuar gjendjen e lekures tende (e cila mund te jete me e re ose me e vjeter se ti) dhe keshtu te individualizosh kurat e duhura.

Stresi dhe ndikimi i tij ne lekure

Nese je duke kaluar nje periudhe te veshtire, mos u çudit nese lekura jote humbet shkelqimin dhe butesine. Truri reagon dhe stresi prodhon disa substanca te quajtura neurotransmetues te cilat shtrengojne enet e gjakut duke shkaktuar nje ngadalesim te qarkullimit.

Rezultati? Epiderma behet opake dhe rrudhezat rreth syve, buzeve dhe gojes theksohen me teper duke e bere lekuren tuaj qe te ngjaje me e plakur. E nese stresit i shtohet edhe nje ambient i ndotur qyteti, plakja eshte padyshim e parakohshme.

Me te rrezikuarat jane femrat e reja nga 20 deri ne 30 vjeç.

Sugjerimet me te çmuara: Kushtoji çdo dite nje gjysme ore kohe vetes tende, lexo nje liber, bej joga ose bej ushtrime te frymemarrjes se thelle.

Pra kaloje kohen ashtu siç te pelqen ty, por dhe pasuro kozmetiken me trajtime rivitalizuese.

Pasojat e duhanit
Cigarja e rendon pamjen e lekures tende, aq sa specialistet thone “fytyre tym” per te treguar ate bashkesi rrudhash rreth syve, buzeve dhe gojes qe krijohen mbas dhjete vjet pirje e rregullt cigaresh.

Cigarja ben keq, sepse nikotina krijon nje lloj tape qe pengon oksigjenin qe te hyje ne inde. Dhe pa oksigjen qelizat mbeten te uritura dhe nuk arrijne qe te jene te shendetshme.

Ne kete menyre lekura humbet shkelqimin, epiderma thahet dhe irritohet plotesisht. Perveç kesaj nikotina prish mikroqarkullimin duke penguar prodhimin e kolagenit dhe te fibrave elastike. Keshtu lekura humbet elasticitetin dhe plaket me shpejt.

Nese je vajze e re dhe le cigaren, demet e saj mund te riparohen dhe ne menyre mjaft efikase. Ndersa per nje 40-vjeçare qe ka 10 vjet qe e pi cigaren, demet jane me te veshtira per tu eliminuar…Dhe nganjehere te pakthyeshme.

Kerko t’u thuash lamtumire cigareve dhe nderkohe shto konsumin e vitamines A. Gjendet sidomos ne veze, ne domate, ne spinaq dhe eshte vitamina e preferuar si nje element toksik ndaj duhanit. Kremi i duhur eshte ai antirrudhe.

Dielli

Bukuria jote e ardhshme varet edhe nga raporti qe ti ke me diellin sot. Me kalimin e viteve epiderma reagon ndaj agresoreve diellore dhe shtresa e jashtme e saj humbet elasticitetin.

Mbroju gjithmone nga rrezet e diellit dhe jo vetem ne vere ose kur je ne mal. Edhe dielli qe merr kur je ne qytet, madje edhe ne dimer, e ve ne prove te forte lekuren tende. Duhet te perdoresh kremra me filtra Uv, madje edhe fondotinten blije me kete cilesi.

Ndotja

Nese jeton ne qytet, çdo dite je e detyruar te besh llogarite me ndotjen. Ajri qe te rrethon demton shtresen mbrojtese te lekures tende dhe ne te njejten kohe depozitohen mikrograme dhe substanca toksike ne forme pluhurash metalike te padukshem.

Ne kete fushe beteje padyshim qe fytyra jote eshte ne rradhe te pare: ndotet dhe merr nje ngjyre gri ne kaf.

Pa llogaritur ketu rreziqet e zhvillimit te alergjise. Ne epidermat me te ndjeshme, akumulimi i substancave te jashtme mund te shkaktoje irritime te bezdisshme antiestetike.

Mosha me kritike jane te rriturit dhe jo femijet qe vuajne me shpesh nga irritimet e shkaktuara nga ndotja.

Te vegjlit zakonisht kane nje jete me te mbrojtur dhe me pak te ekspozuar ne krahasim me shtepiaket ose punetoret qe çdo dite jane ne kontakt me substanca alergjike si detersive, spray, dhe ozoni qe eshte prezent ne disa fotokopje.

Sistemi imunitar i te rriturve eshte me delikat dhe gati qe te shpertheje ne reagime alergjike ne prezence te substancave irrituese. Pastroje gjithmone lekuren me kujdes me detergjent delikate.

Nese e ke te irrituar ose sensibel, evito ato qe permbajne sodiolaurilsolfato (substance kimike qe rrit irritimin) si dhe produktet qe bejne shume shkume. Ato kane nje efekt te madh ne heqjen e yndyres deri ne thellesi dhe e lene lekuren me te ekspozuar nga pluhurat alergjizues.

Postime te Ngjashme:

Si te parandalojme tharjen e lëkurës?

Derby — Sat, 13 Dec 2008 14:00:49 +0000

Me kalimin e moshes, lekura juaj prodhon me pak vajra natyrale qe e ndihmojne ate te ruaje lageshtine.

Ne tharjen e lekures tuaj mund te ndikojne edhe ajri i thate, si dhe larja e tepert me uje te nxehte. Per te parandaluar nje lekure te thate dhe e cila kruhet, ndiqni udhezimet ne vazhdim:

- Shmangini dushin. Qendrimi i shpeshte nen uje heq vajin natyral, i cili i ndihmon lekures ta ruaje lageshtine. Qendrimi ne vaske eshte me i mire se sa qendrimi i gjate nen dush.

- Perdorni vajra te larjes ne vaske (Kujdes, pasi vajrat e bejne vasken te rreshqitshme).

- Perdorni sapune te bute.

- Perdorni locione per lekure te thate menjehere pas larjes, madje edhe para se te fshiheni me peshqir teresisht.

Postime te Ngjashme: