Domate ngjyrë vjole e modifikuar gjenetikisht për të parandaluar kancerin. Së paku kështu thonë shkencëtarët britanikë, pas disa eksperimenteve që kanë bërë tek minjtë.

Zbulimi, i publikuar në revistën “Nature Biotechnology”, forcon idenë që mund të bëhen të tilla modifikime në mbrojtje të shëndetit të njeriut.

“Minjtë që ishin të prekur nga tumori e të trajtuar me modifikimin e ri, jetuan më gjatë se ata që iu nënshtruan një diete standarde, me ose edhe pa domate të zakonshme”- thanë Cathie Martin dhe kolegët e saj të “John Innes Centre”, institut i financuar nga qeveria britanike. “Efekti ishte shumë më i madh se ai që prisnim”- ka thënë Martin, biolog.

Minjtë, që ishin të prekur nga tumori dhe që u trajtuan me ‘domaten antitumor’ jetuan mesatarish 182 ditë, ndërkohë që të tjerët që ndoqën një dietë normale, 142 ditë.

Studimi u fokusua në ‘antocianinën’, një tip antioksidanti që pakëson risqet e tumorit, semundjeve kardiake dhe disa patologjive neurologjike.

Postime te Ngjashme:

• Shkencëtarët zbuluan hormonin e “moshës kalimtare”
• Kurë paralindjeje për sindromën Down
• Kujdes me mbipeshen te femijet!
• Vitaminat – Sa pak të efektshme
• Studimi, një proteinë që ngadalëson plakjen

Popularity: 3% [?]