Gra që përcaktojnë tendencat, influencojnë shijet, orientojnë konsumin.

Gra, që duke nisur nga feminiliteti, prezantojnë ide novatore dhe ecin në çdo çast me hapin e kohës. Për më tepër, falë aftësive të tyre menaxhuese janë në gjendje të drejtojnë dhe hartojnë strategji fitimtare biznesi. Ja lista e grave më të fuqishme: nga ajo në drejtimin e një perandorie gjigante të tregut, te supermenaxheret e produkteve kozmetike; nga ideatorja e fushatave më të bukura publicitare, tek emrat e famshëm. Gra origjinale, të kujdesshme ndaj detajeve, të afta të “fitojnë” çdo betejë me jetën, me një ide precize për luksin, lumturinë, bukurinë dhe elegancën, për nevojat e të tjerëve. Dëshmitare të ndryshimeve të mëdha edhe në fushat ku meshkujt kanë dominuar vazhdimisht. Zonja e parë Tara Banks, datëlindja 1974, ka qenë e para afro-amerikane në kopertinën e revistës “GQ”, “Sport Illustrated Swinsuit issues” dhe katalogut “Victoria Secret“.  Në vitin 1997 mori çmimin “VH1: si supermodelja e vitit. Edhe pse nga viti 2005 i është dedikuar ekskluzivisht televizionit, në shtator të vitit 2008 shfaqet sërish në kopertinën e revistës “Bazar“, që i kërkoi të interpretojë Mishel Obamën në rolin e Zonjës së Parë amerikane, e fotografuar në studion ovale me “bashkëshortin Barak” dhe “vajzat e tyre”. Për sa i përket stilit, shumë i zakonshëm, sigurisht që nuk është ikonë e modës, por aftësia e saj për t’u përballur me problemet e grave të zakonshme është ajo që e ka bërë në SHBA një “Opinion style leader“. Në “Tyra banks Show“, talk show i përditshëm që transmetohet që prej vitit 2005, përzien histori të njerëzve të zakonshëm, me intervistat e njerëzve të famshëm. Me sloganin “Çdo grua ka historinë e saj”, nuk ngurron shpesh të tregojë edhe për jetën e saj. Shumë nga temat që trajton lidhen me problemet e përditshme të çdo gruaje. Amerikanet e adhurojnë për mënyrën e saj të të qenit seksi edhe kur shëndoshet, për mënyrën e saj të veshjes së thjeshtë dhe njëkohësisht për të mbuluar defektet, për dëshirën e saj për të qenë krejtësisht normale. Kështu, edhe në transmetimin “America’s net Top model“, për kanalin “CW Television” dhe në “Stylista“, një realitet i ri bazuar në botën e revistave të modës, përpiqet të ndërmjetësojë diktatin e modës me kërkesat e grave të thjeshta. Tara Banks, që për një dhjetëvjeçar nuk ka qenë asgjë më shumë se sa thjesht një femër me trup të bukur, tani mbron gratë në mbipeshë në të gjithë botën. Gjithmonë e buzëqeshur dhe e lumtur, nuk është vetëm model për t’u imituar. E këndshme ashtu si emri “Të ecësh gjithmonë me kohën dhe të jesh gjithmonë në formë e shik”. Këto janë fjalët e Carine Roitfeld, drejtoreshë e “Vogue” në Francë që prej 2001-shit dhe sipas zërave që qarkullojnë është gati për të zënë vendin e Ana Wintour në Amerikë. Por, mbi të gjitha një ikonë e botës së modës. Në 2006-ën, me daljen e saj në kopertinën e revistës “Purple“, u cilësua si muzë e brezit të ri dhe talenteve të modës, me një shërbim fotografik shumë seksi. “Virtyti im më i madh është se jam një stiliste”. Kështu i ka dhënë një imazh të ri revistës që drejton. Sy që i shkëlqejnë, gojë e vogël dhe asnjëherë e lyer, fytyrë e imët e fshehur pas flokëve gështenjë e hapur thuajse bionde dhe me një model alla Ixhi Pop. “Kam ndjekur një këshillë të Tom Ford: sa më shumë plakesh, aq më shumë bionde duhet të bëhesh”. Me një trup prej modeleje, këmbët e gjata e të bukura, Roitfeld rri gjithmonë mbi taka të larta: “Më pëlqen kombinimi i veshjeve për burra dhe atyre për gra”. Megjithatë, prej 30 vjetësh jeton me të njëjtin burrë, Kristian Restoin dhe ka dy fëmijë, Juria dhe Vladimir. Havjari dhe shampanja janë ushqimet e saj të preferuara për mëngjes.
Miss joshja
“Sfida e vërtetë për një firmë të madhe është ndryshimi i vazhdueshëm, pa arritur te revolucioni”. Kjo është filozofia e Odile Roulo, drejtoresha e përgjithshme e “Lancome”, që prej qershorit të 2006-ës. Energjike dhe simpatike, ajo është e para grua që ka marrë drejtimin e grupit më të madh për produktet kozmetike “L’Oreal”. “Strategjia ime në zgjedhjen e modeleve për reklamat qëndron te të kërkuarit, përveç bukurisë fizike dhe joshjes, bukurinë e brendshme, atë të vlerave”. Bukuri e mishëruar nga Zhuliet Binosh dhe Laura Morante. Por edhe Kejt Uinslet “romantike e moderne”, apo Elektra Roselini Uajdmen, që Odile ka vendosur në tregun aziatik, duke u bazuar te freskia e saj. “Produkti duhet të transmetojë emocione”. Çdo grua është e veçantë, por të gjitha duhet të kenë dy gjëra të përbashkëta: “Mesazhin emocional dhe cilësinë e produktit”. Parisiene, me një diplomë masteri për ekonomi, Odile hyri në grupin “L’Oreal” në ‘98-ën dhe e mbështeti ndryshimin vetëm tek 3 fjalë: kërkesë, risi, kuriozitet. E martuar dhe me dy fëmijë, përpos një pune që të gjithë e adhurojnë. Sekreti i saj? “Dashuria. Ngrohtësia e atyre që e rrethojnë ka rëndësi më shumë se gjithçka tjetër”

Sekreti i Viktorias
Babai i saj ishte Jul Bryner, ndërsa njerka e saj Elizabet Tejlor kurse Riçard Buton i ka mësuar si të ngasë makinën. Viktoria Bryner nuk është nga ato femra që i bëjnë përshtypje VIP-at, pasi mes tyre është rritur. E njeh mirë edhe botën e modës, pasi e ëma ishte rrobaqepëse e Valentinos dhe që në moshën tetëvjeçare ishte pjesë e sfilatave. Kur në moshën 16-vjeçare u largua nga Lozana për të shkuar në Los Anxhelos, vendosi ta shfrytëzojë eksperiencën e saj në dy kompani gjigante në fushën e modës, “Stardust Visions“, që organizon dhe prodhon shërbime fotografike për revistat e modës dhe “Stardust Celebritis“, që merret me gjetjen e modeleve. “Nuk mjafton të kesh një numër telefoni. Moda dhe argëtimi shpesh flasin dy gjuhë të ndryshme. Në këtë mes unë jam përkthyesja”, shpjegon nga zyra e saj në Hollivud. Mes klientëve të saj, Bryner, 45 vjeçe, ka Kristian Diorin, Giveshinë, Valentinon. Kur Luis Vuiton hodhi në treg reklamën e tij për valixhet, ishte ajo që mundësoi krijimin e kontratës me Skarlet Xhohansonin. Po ashtu, negocioi me Andre Agasin, Stefi Grafin, Katherin Dënëv dhe Mikail Gorbaçov për të pozuar për aparatin e Ani Leibovitz.

Postime te Ngjashme:

• Yves, ai që veshi gratë me pantallona
• Abortet, shifra alarmante në Fier: Çdo ditë ndërpriten dy shtatzëni
• Kunder Gripit te Derrit
• Sekretet që la pas MERLIN MONRO
• 6 keshilla qe i bejne femrat te pelqejne seksin

Popularity: 3% [?]