Edhe pse permban vetem pak mililitra, çmimi eshte marramendes, sepse brenda tij gjenden 26 mije petale trendafili nga Taifi, qe kushtojne 27 mije euro kilogrami dhe esenca e drurit te rralle te hud-it. Ky eshte parfumi i krijuar me porosi dhe ekskluzivisht (15 litra ne vit) per sovranin e Arabise Saudite. Por me i shtrenjti ne bote eshte ai i krijuar nga “Clive Christian” per sulltanin e Burneit dhe manjatin rus, Roman Abramoviç.

“Nr. 1 Artwork Edition” kushton 170 mije euro per 500 mililitra.

Ai permban nje nder bimet me te rralla ne bote te familjes Zingiberacee dhe lule jasemini. Veç te tjerash, me nje pamje qe te merr ne qafe: tape floriri, e zbukuruar perreth me gure diamantesh. Sipas statistikave, edhe atehere kur kerkesat nuk jane shume te medha, ne treg hidhen dy lloj parfumesh ne dite, ose rreth 700 ne vit, perfshi ketu parfumet artizanale dhe ato qe prodhohen nga shtepite me te medha te modes. Me pak fjale, nje person ne njezete, sot do te preferonte te kishte nje parfum te tijin, personal dhe te veçante, njelloj si nje veshje. Per shume prej specialisteve te nuhatjes, parfumi eshte si nje lloj “pasaporte” qe secili prej nesh e perdor per te kompletuar me mire ndjesite joshese, sidomos ne marredheniet sociale dhe seksuale. Ne kete vale deshirash te çmendura, ku çdokush kerkon te kete “aromen” e tij personale, industria e modes ka menduar qe se shpejti te hedhe ne treg parfume te reja, ku formula do te pergatitet sipas deshires dhe ekskluzivisht per klientet. Kurse çmimet variojne nga 1500 deri ne 5000 euro. Nga ana tjeter, perveç firmave te njohura, ne bote ekzistojne edhe magjistare aromash, si francezi Bertrand Duchaufour, i cili ka krijuar parfume me porosi per yjet e spektaklit, politikanet dhe bankieret: nga Catherine Deneuve tek Isabelle Adjani, nga François Mitterrand te Karl Lagerfeld, mes te cileve edhe Alain Delon. Me disa seanca per t‘u pergatitur, njelloj si nje simfoni, parfumi shpreh identitetin e lekures sone. Per kater dite dhe nje çmim te pershtatshem, Duchaufour mund te krijoje parfumin qe deshiron per nje çmim prej disa mijera eurosh. Po shtepite e medha kozmetike? Sigurisht qe nuk mund te rrine duarkryq, aq me teper qe biznesi i parfumeve kushton me shume se 20 miliarde dollare ne vit dhe ne veçanti eksporti i ben me te majme bilancet e ndermarrjeve, jo gjithmone me fitim ne kete kohe krizash. Per kete arsye, ndersa ne njeren ane hidhen ne treg rreth 700 aroma te reja ne dite, tjetren rishikohen edhe versionet e reja me klasiket e se kaluares. Per shembull, “Private Collection”, butiku hipnotizues francez, po mendon te pushtoje boten per Krishtlindje me “Sensuous”, aroma e re, shitjet e se ciles per vitin e pare priten te arrijne shifren 100 milione dollare. I krijuar nga Aerin Lauder, nipi i te famshmes Estée, nuk mund se si te mos kete sukses. Por edhe “Poison”, esenca e “Dior”-it me baze trendafili, qe ne 1985-en vendosi rekordin me nje flakon te shitur ne çdo 80 sekonda, do te “nderroje” fytyre. “Poison” i dikurshem eshte hedhur ne treg me emrin “Midnight Poison” dhe me nje paketim te ri, shume here me te bukur dhe me te kushtueshem se i pari. Per te mos folur pastaj per “Aqua di Parma”, nje arome elegante per meshkuj, e lindur ne 1916-en, ne nje laborator te vogel artizanal ne Emilia, dhe e riprezantuar me sukses disa kohe ma pare nga sipermarresi bolonjez Paolo Borgomanero. Por cilat jane tendencat e parfumeve per periudhen vjeshte-dimer? Laura Tonatton, italiania me e famshme ne bote per krijimin e parfumeve dhe pedagoge kozmetologjie ne Universitetin e Harvardit, sapo ka perfunduar me porosi te mbretereshes Elizabet parfumin me emrin “Formula E”. Ajo thote: “Pas ekzagjerimeve te dhjetevjeçarit te fundit, ka nje tendence per rikthimin ne aromat e vjetra klasike. Nga historiku ‘Mitsouko‘, i krijuar nga Guerlain ne vitin 1919, qe shitet ende me te njejten formule, te ‘Sycomore‘ i ‘Chanel‘ e deri tek ‘Eau sauvage Dior‘. Keto jane parfume qe te ngjallin nostalgji, qe evokojne historine tone dhe provokojne emocione. Nder markat e reja preferon ato me qelibar dhe arome myshku per femra dhe vetiver (bime tropikale, rrenjet e se ciles kane nje arome shume te veçante) dhe dru sandali per meshkujt, ku perfshihet kerkesa per te qene gjithmone e me te rralle dhe te veçante”. Njelloj si ato qe pergatiten me trendafilin e Taif-it, ai francez, me gjethe terfili, qe prej 100 vjetesh perdoret vetem nga “Chanel”, ose i rralli druri i hud-it, qe gjendet ne vendet e Lindjes se Mesme me nje arome sensuale. Keta elemente te rralle dhe shume te kerkuar e bejne konsumatorin, sidomos ate me te pasur, te kerkojne gjera te veçanta dhe jo te zakonshme, per te cilat eshte gati te paguaje me mijera. “Sot, te gjithe njerezit perdorin parfume, por te zgjedhesh nje arome sipas deshires eshte njelloj si te zgjedhesh nje veshje te bukur dhe firmato. Nje veprim qe perputhet me deshiren per te na dalluar nga masa tjeter e njerezve. Per kete arsye, kerkesa per parfume sipas preferencave, eshte gjithnje ne rritje”, shpjegon me tej Laura. Edhe per Patrick Süskind, autor i romanit me domethenes per kete argument, “deshira per te kerkuar parfumin qe na pelqen, per disa njerez eshte e pashmangshme. Ajo deperton brenda nesh thelle ne shpirt, dhe eshte e nevojshme njelloj si ajri qe thithim çdo dite”. “Nuhatja eshte me e rendesishme se sa mendojme. Arrin te shkaktoje emocione, te na beje te kthehen ne mendje kujtime te largeta, te stimuloje sjellje dhe te percaktoje sjellje seksuale”. Jo rastesisht, te hedhesh nje parfum, eshte tamam nje gjest si ai qe kafshet perdorim per te terhequr partneret: te shenosh territorin dhe te komunikosh me te tjeret permes aromes tende te veçante. Ndaj eshte me mire qe, neper festa apo raste te veçanta, te kemi te tjera lloje parfumesh”, tregon ai. Sepse, edhe parfumi ka rregullat e tij te vogla. “Ne pune, duhet te perdoren vetem aroma te lehta, per shkak te ambientit dhe njerezve qe te rrethojne”, thote Tonatto. Ne fund, ajo kujton se per grate eshte mire qe aromat e forta te perdoren pas ores shtate te mbremjes, ndersa per meshkujt asnjehere”. Gjithmone nese, siç thoshte Platoni, nuk vijne ndonje ere tjeter.

Joshja, arma me e forte

Joshja dhe vemendja per te terhequr njerezit qe na rrethojne eshte ndoshta edhe arsyeja kryesore se perse njerezit, e sidomos femrat, i perdorin kaq shume parfumet sot. Qe nga Egjipti i lashte, ku mendohet se lindi parfumi (per te nderuar perendite) e deri ne shekullin XVII-XVIII, kur Parisi u be kryeqendra e modes ne Evrope, industria e zhvillimit te ketij produkti mori nje hov te paimagjinueshem. Aktualisht, Franca eshte vendi me i njohur ne bote ku prodhohen markat me te njohura te parfumeve si “Christian Dior”, “Charles Jourdan”, “Givenchy”, “Chanel”, “Yves St. Laurent” etj., duke e bere kete industri nje hallke shume te rendesishme ne biznesin nderkombetar. Por, megjithese femrat dhe meshkujt e perdorin parfumin ne çdo kohe dhe vend e pavend, dermatologet keshillojne qe ato te perdoren sipas stines dhe lekurave. Keshtu, me deshiren per diell, det dhe ajer te paster, lind edhe deshira per t‘i kushtuar trupit me shume perkujdesje. Netet e nxehta, trupat e nxire dhe veshjet ekstravagante te zgjojne pasionin per ta perkedhelur trupin me aroma te kendshme dhe joshese. Por, pavaresisht deshirave, eshte e rendesishme te frenohemi, duke menduar per rrezikun qe mund te shkaktojne, duke e hedhur ate ne vendet me pak te pershtatshme. Dihet qe vera eshte edhe stina me delikate per lekuren, ndaj hedhja e parfumit ne keto zona delikate dhe ekspozimi ndaj rrezeve te diellit mund te shkaktojne reaksione nga me te ndryshmet. Atehere lind pyetja se ç‘duhet te bejme per te pasur nje arome qe zgjat per shume kohe ne trup, ku duhet ta vendosim? Ështe fare e thjeshte. Mjafton ta hedhim parfumin ne zona te tjera per te shmangur qe aroma te largohet dhe te behet e pandjeshme. Megjithate, edhe ne kete rast, nuk eshte kaq e thjeshte, sepse, pasi kemi zgjedhur vendin, na duhet te zgjedhim edhe parfumin, ku zakonisht preferohen aroma te lehta qe parfumojne lekuren dhe veshjet te cilat garantojne nje efekt hidratues dhe zbutes. Alkooli qe permbajne parfumet e ben lekuren me te ndjeshme ndaj diellit, ndaj, per kete arsye, eshte e keshillueshme qe te perdorim parfume qe nuk permbajne alkool. Zakonisht, ata nuk permbajne substanca fotosensibilizuese, te cilat, te ekspozuara ne drite te forte, mund te shkaktojne acarime dhe djegie, por edhe mund te njollosin lekuren ne vendet ku eshte hedhur.

Ja se cilat jane vendet me te rendesishme qe keshillojne mjeket per te vendosur parfumet.

Zakonisht pas dushit, kur lekura eshte shpelare me uje te ngrohte dhe poret jane hapur, eshte mire qe te hidhet parfum. Nje lekure ne kete gjendje, garanton nje qendrueshmeri me te larte te aromes se tij. Dermatologet theksojne edhe se perdorimi i parfumeve apo produkteve te tjere aromatike gjate ciklit menstrual dhe femrave qe vuajne nga migrena duhet shmangur patjeter, pasi ky çon drejt dhembjeve te forta te kokes. Sipas tyre, nese hidhet mbi lekure, parfumi mund te provokoje disa irritime te lehta. “Kur ndiejme nje parfum, miliona receptore te qelizave te aparatit te nuhatjes transmetojne impulset e tyre ne tru, i cili i interpreton dhe vendos se cilat aroma na pelqejne”, – shpjegojne dermatologet. “Por hapesira ndermjet nje stimuli te thjeshte dhe dhembjes eshte shume e ngushte dhe mjafton pak per ta kapercyer. Kjo ndodh per shembull, kur nje arome eshte e forte, ose nese nuhaten shume parfume njeri pas tjetrit. Atehere ndodh te provokohen dhembje koke, deri ne te vjella. Ne te kundert, nese perdoren ne sasine e duhur, disa esenca kane aftesine te largojne migrenen. Nder keto, livanda, mentja dhe trendafili”. Si perfundim, mos harroni se, edhe pse parfumi eshte nje element me shume per te theksuar elegancen, asnjehere nuk duhet vendosur ne faqe, balle apo mbi veshje, pavaresisht mbremjeve speciale per ku jeni nisur.

Parfumet artizanale

Francezi Dominique Dubrana eshte me i famshmi ne bote per krijimin e parfumeve artizanale. Ai tregon se si mund te krijohet nje parfum nga lenda e pare. “Per kete, duhet eliminuar pjesa jo e mire te aromave. Kjo metode varet nga tipologjia e lendes se pare. Per te marre nje vaj esencial te mire, ne fillim duhet te behet distilimi. Keshtu, avulli i ujit kalon permes bimeve, me pas merret pjesa aromatike, kondensohet dhe ne fund mblidhet lenda. Esenca reduktohet per te perftuar ekstraktin me te mire, per shembull me gjashte tonelate petalesh trendafili arrihet te prodhohet nje liter esence, ndersa per nje liter esence livandoje mjaftojne 40 kilograme lende e pare. Procesi vazhdon me ngjyrosjen, ku lendet aromatike futen ne alkool ushqimor, qe arrijne te thithin parfumin, ndersa per disa lende te tjera te para perdoren tretes te ndryshem, si benzeni. Keshtu, arrihet pjesa konkrete, nje perzierje qe vendoset ne alkool, duke u perpjekur te marresh gjithçka nga nje lende e caktuar. Ne fund arrihen te perzihen esencat si nje kokteil. Shihen raportet e perberesve me njeri-tjetrin dhe pastaj lihet per nje periudhe kohe, ne menyre qe molekulat te bashkohen. Zakonisht, nje parfum i mire permban nga 5 deri ne 20 per qind esence, ne baze te aromave te perberesve. Pjesa tjeter eshte alkool”, tregon ai.

Tregu boteror

700 aroma te reja ne vit dhe nje biznes prej

20 miliarde dollaresh ne vit

Bimet e veshtira

Rrenja e shpatulles, e cila duhet thare per nje periudhe trevjeçare. E kunderta ndodh me algat dhe kerpudhat qe duhet te jene shume te fresketa, po ashtu, ka edhe nga ato produkte qe jane te rralla dhe duhet nje pune disavjeçare per te mbledhur sasine qe te nevojitet. Me e veshtira nga te gjitha eshte myshku i kafsheve, qe merret nga gjendrat e drereve orientale, per te cilen ekziston vetem nje treg i zi ku mund ta gjesh

Parfum me arome njerezish

Per te marre aromen e trupit te nje njeriu, mjafton te hedhesh pak alkool ne nje pjese te tij dhe nga ajo pjese te marresh perqendrimin me te larte, duke nxjerre nje ekstrakt prej saj. Ne fakt, ndryshe nga te rriturit, nga te sapolindurit mund te nxirret nje parfum i mrekullueshem.

Postime te Ngjashme:

• Do parfumin tend?
• Si te zgjedh parfumin tim?
• Historia e parfumeve
• Të luftosh gripin duke u parfumosur
• Aromë pranvere

Te gjitha pyetjet mbi menyren si te zgjedhesh ate qe mban me vete gjithe diten dhe qe flet per ty: parfumin tend. Si ta zgjedhesh, si ta kombinosh, si mund te ndikoje mbi humorin tend? Nje guide e plote qe te ploteson deshiren per te qene e pelqyer.

Si t’ia bej per ta zgjedhur?
Ajo qe shtyn per te pelqyer nje arome e per te urryer nje tjeter, duket si magji e vertete. Ne te vertete, çdo gje eshte me racionale sesa duket. Shkenca eshte e afte ta shpjegoje ne detajet me te imta. “Eshte nje udhetim i komplikuar, qe nis nga hunda dhe mberrin drejt e ne zemer”. Keshtu e sqarojne sociopsikologet rrugetimin e aromes, gje qe te ben te mendosh se nuk kemi te bejme me nje nuhatje te thjeshte.
Çdo gje nis ne nje zone te vogel te hundes (epiteli olfativ) ku, sapo ndiejme nje arome, receptore te veçante aktivizohen dhe dergojne nje “sms” ne tru. Aty, miliona receptore, pasi marrin mesazhin, vihen menjehere ne levizje dhe transmetojne lajmin ne nje zone precize te trurit (sistemi limbik), ku ndodhet “reparti i emocioneve”.
Keshtu, pas nje serie reaksionesh kimike, koka nis nje proces shoqerizimesh mendore (kujtime, gjendje shpirterore, por dhe ndjesi qe vijne nga jashte) dhe ne fund, brenda pak sekondave dhe ne menyre te pandergjegjshme e gjitha kjo drejton preferencat tona. Keshtu lind dashuria jone per parfumin: nje perzierje e kimise me magjine.

Sa i rendesishem eshte konfeksioni?
Shume. “Kur afrohesh per here te pare me nje parfum, nuk mjafton qe te kete nje arome te mire. Parfumi eshte nje objekt i veçante dhe duhet te kenaqe te gjitha shqisat, perfshire dhe te parit”, thone disa nga ata qe e kane lidhur jeten ngushtesisht me boten e aromave. Ja perse disa parfume, si “Hermès” apo “Lalique” edhe pa e ndryshuar linjen e tyre klasike, propozojne çdo vit nje flakon te ri dhe te çmuar ne koleksionin e tyre.
Pak Sipas disa “hundeve” te medha, pra krijuesve te parfumeve, kur zgjidhet nje parfum nuk duhet te genjehesh nga konfeksioni, por te lesh veten qe te terhiqet vetem nga aroma. Ky stil esencial eshte karakteristik i parfumeve, mjaft ekskluziv dhe gati artizanal te mjeshterve si Serge Lutens dhe Annick Goutal ose te firmave si “Etro”, “Floris” apo “Creed”, te cilat edhe pse propozojne esenca te ndryshme si per femra dhe per meshkuj, nuk ndryshojne kurre flakonin.

Ka nje seks parfumi?
Jo! Shija per aromat uniseks lind qe ne fund te viteve ’80, kur zonjat “chic” perdornin “Fahrenheit”, parfumin e famshem per meshkuj te Dior. E qe atehere, me gjithe ulje- ngritjet, kjo prirje nuk ka perenduar kurre. Parfumet uniseks moderne, jane ama me pak te fresket se ato te nje kohe. “Tani kane nota me sensuale dhe te nxehta, si ajo e vaniljes dhe e drureve ekzotike”,- shpjegojne specialistet.
Po! Sot parfumet femerore jane shume te ndryshme nga ato te meshkujve. “Kjo ndodh edhe sepse substancat e perdorura shpesh jane te njejtat”, sqarojne specialistet. Por ato qe bejne ndryshimin jane esenca te tjera dytesore qe i shtohen substances baze, qe eshte e njejte per te dyja gjinite, si frutat per femrat dhe druret per meshkujt. Dhe mbi te gjitha proporcionet: mjafton nje kombinim minimal per te ndryshuar gjithe linjen. Parfumet “City Glam” te Armanit jane dy: nje per femren dhe nje per mashkullin

Perse parfumi mund te te sjelle dhembje koke?
“Kur ndiejme nje parfum, miliona receptore te qelizave te aparatit te nuhatjes transmetojne impulset e tyre ne tru, i cili i interpreton dhe vendos se cilat aroma na pelqejne”,- shpjegojne dermatologet. “Por hapesira ndermjet nje stimuli te thjeshte dhe dhembjes eshte shume e ngushte dhe mjafton pak per ta kapercyer. Kjo ndodh per shembull kur nje arome eshte shume e forte, ose nese nuhaten shume parfume njeri pas tjetrit. Atehere ndodh te provokohen dhembje koke, deri te vjella”. Ne te kundert, nese perdoren ne sasine e duhur, disa esenca kane aftesine te largojne migrenen. Nder keto, livanda, mentja dhe trendafili.

Perse nje parfum qe dikur me pelqente, tani nuk me pelqen me?

Mode!
“Parfumi eshte nje aksesor, nje element me shume per te theksuar elegancen”, shpjegojne specialistet. Eshte normale ta ndryshosh parfumin jo vetem çdo vit, por dhe nga nje dite ne tjetren, si nje veshje”.
Moshe!
Me kalimin e kohes ndjeshmeria ndaj aromave zbehet, sepse qelizat e nuhatjes rigjenerohen me ngadale. Nga 60 vjeç e lart nis te pelqehen parfume me te forte nga ato qe pelqeheshin ne moshe te re.

Ç’eshte aromaterapia?
Aromaterapia eshte, si e tregon vete fjala, nje kure qe shfrytezon vetite e aromave, per te dhuruar kenaqesi. Çdo gje rrotullohet rreth teorise, sipas se ciles, esencat duke mberritur ne tru aktivizojne prodhimin e disa substancave (adrenalina, endorfina e te tjera) te afta per te rregulluar ekuilibrin psikofizik. Menyra e perdorimit eshte shume e ndryshme. Mund te shperndahen esencat ne ajer, ta perziesh me produktet kozmetike ose ta kerkosh brenda parfumeve. Si t’i zgjedhesh? “Ideale eshte te keshillohesh me nje ekspert”- thone dermatologet. “Por instikti shpesh eshte guida me e mire. Nje arome qe instiktivisht te pelqen, do te kete patjeter nje ndikim pozitiv ne te ndierit mire”.

Sa qendron parfumi mbi lekure?
Nje parfum perbehet prej shume esencash te ndryshme, por jo te gjitha zgjasin njelloj. Sipas kohes qe u duhet per te avulluar, specialistet i quajne aroma koke, zemre dhe te thella.
10 minuta
“Koka” eshte aroma qe ndihet sapo hapet nje flakon. Ështe ai qe na ben ta duam ose jo parfumin, por qe nuk eshte aroma e “vertete” e tij, sepse permban esenca qe zgjasin per nje kohe te shkurter, 10 deri ne 30 minuta dhe zhduket. Jane kryesisht esenca agrumesh, livande dhe menteje.

3 ore
“Zemra” eshte parfumi i vertete, ai qe qendron mbi lekure tre deri ne kater ore. Kryesisht ne kete miks aromash shperthen fantazia e “hundeve”, sepse kane ne dispozicion qindra esenca. Me aktualet jane esencat orientale, qe percjellin nje ndjesi mbrojtjeje.

6 ore
“Aromat e thella” formohen nga nje perzierje esencash te forta qe “lidhin” aromat nga me te ndryshmet. Perdoren drunjte, irisi, vanilja, balsami dhe disa substanca nga kafshet. Zgjasin te pakten gjashte ore, por ne veshje mund te ndihen dhe diten tjeter.

Nje parfum mund ta zevendesoje deodorantin?
“Jo”, thone dermatologet. “Parfumi nuk mund te zevendesoje deodorantin”. Para se gjithash, te pakten kur nuk behet fjale per nje uje aromatik, parfumi ka gjithmone nje perqindje alkooli, i cili nuk duhet te bjere ne kontakt te drejtperdrejte me lekuren delikate te sqetullave. Pastaj, sepse parfumi, ndryshe nga deodoranti, nuk rregullon frymemarrjen e lekures. Dhe ç’eshte me e rendesishmja, kontakti me djersen mund ta ndryshoje aromen e nje parfumi. Kjo s’ndodh me nje deodorant”.

Mund te jesh alergjik ndaj parfumit?
Po
Ne rruget e frymemarrjes: hunde te mbyllura ose ndjesi kruarje ne fyt. Nese je alergjik ndaj esencave qe permban nje parfum, mund te kesh shqetesime te ketij lloji. Por e gjitha kjo ndodh nese perdoret substanca ne sasi te madhe.
Jo
Mbi lekure: me shume se shenja alergjie, parfumi mund te provokoje mbi lekure disa irritime te lehta. Kjo ndodh nese ke nje epiderme shume te ndjeshme. Me te shpeshta ne fakt jane njollat qe shkaktohen nese pasi ke hedhur parfum ben banjo dielli ose nje seance solari”.

Ka nje ore te pershtatshme per te hedhur parfumin?
Absolutisht jo: Parfumi shkon nga mengjesi ne mbremje, por duhet perdorur ne mase. Sepse ne rast se hedh shume, mund te behet i bezdisshem, per shembull ne vendin e punes dhe nese eshte i lehte, ne mbremje ne diskoteke nuk ndihet. Ja si te veprosh:

Ora 9:00. Zgjidh nje “eau de toilette”. Hidhe sipas deshires, sepse eshte pak i perqendruar.
Ora 17:00. Perdor nje “eau de parfum”. Ështe i forte mjaftueshem dhe mjaftojne tre sprucime.
ora 21:00. Parapelqe nje ekstrakt. Ështe me i perqendruari, zgjat shume dhe perdoret me pika.

Pse disa parfume ngjajne me sexy?
Nuset indiane parfumosen me esenca te tilla qe mendojne se kane nje ndikim epshndjelles. Fuqi kimike apo besim popullor?
Sipas nje studiuesi, ndikimet psikologjike te parfumit jane shume te fuqishme. Neurologet kane zbuluar se disa parfume arrijne deri aty sa t’i japin meshkujve pershtypjen se grate qe e perdorin peshojne pese kile me pak se pesha e tyre reale. Kjo shpjegohet se disa aroma (nje perzierje lulesh dhe speciesh), sipas neurologeve qe kane bere nje studim mbi kete, shkaktojne nje seri shoqerizimesh mendore ne ate zone te trurit qe vlereson peshen reale te personave qe shohim. Dhe per magji, induktojne per te bere pak ulje.

Postime te Ngjashme:

• Do parfumin tend?
• Të luftosh gripin duke u parfumosur
• Biznesi me arome miliardash
• Historia e parfumeve
• Aromë pranvere

Tashme gjithkush mund ta kete nje parfum me emrin e vet. Spruconi nje fragrance, hidhni siper nje tjeter: do perftoni nje te trete, fare te re. Jane parfumet “e bera vete”, qe kenaqin deshiren per te qene unike.

Nje arome e suksesshme ne çastin e lançimit, arrin te shese deri ne peseqind mije shishka. Perkthimi: gati gjysme milione persona per ca kohe “parfumosen” njelloj. Keshtu lindin kultet, eau de toilette-t qe behen aromat e nje brezi, simboli i nje periudhe.
Po jo te gjitha jane te joshur nga nje parfum mit. Ka nga ato qe ne te kundert jane ne kerkim te veçantise, te asaj fashe arome qe nuk harrohet. Keto hunde “te veshtira” mund te gjejne aromen e preferuar fale nje horizonti te ri te parfumerive: mbivendosja e fragancave. Zgjedhin dy apo tre dhe i perziejne. Rezultati eshte i rralle, i pazakonte.

Aroma “joglobale”
“Te apasionuarit pas parfumeve “personale” jane bere me kompetente se specialistet”, thone krijuesit e aromave. “Per kete kategori te publikut, mundesia per te perziere fragrancat eshte nje forme argetuese per te kenaqur deshiren per ekskluzivitet”. Kur oferta nuk kenaq me dhe aromat kane humbur nje pjese te aureoles se tyre, atehere parfumi krijohet drejtperdrejt nga ajo qe do ta perdore. Deshira per personalizim, qe haset dhe ne fusha te tjera, shihet si nje kunderpergjigje per standardizimin e shijeve: “Ekziston ambicia per te pasur diçka te veçante, qe shkon tej shijeve te çastit”, shpjegojne specialistet. “Mbivendosja ne fakt eshte nje filozofi prej me shume se dhjete vitesh. Nje numer i madh aromash kane karakteristika qe pranojne miksim. Ështe nje loje qe lejon te perdoret nje arome e ndryshme çdo here, sipas humorit, veshjes”.

Ekuacione te parfumuara
Firma te ndryshme parfumesh kane teknika te ndryshme per perzierjen e aromave. Disa propozojne sprucimin e fragrancave njera mbi tjetren. Disa perziejne pika te ndryshme esencash ne nje mbajtes te perbashket. Disa madje, e gjejne zgjidhjen ne perdorimin e nje shampoje trupi, kremi dhe pastaj parfumi te te gjitha te nuancave te veçanta. Disa firma parfumesh kane hedhur ne treg parfume te rinj, qe jane perzierje e atyre ekzistuese. Behet fjale per nje fenomen ne kete pike.
Por jo gjithmone perzierja eshte produkt i deshires. Duhen ndjekur rregulla: Shume prej fragrancave te pranishme ne treg, te perftuara ekskluzivisht nga esenca sintezash, nuk mbivendosen, jane parfume “te perfunduar”, te plote tashme. Pastaj duhet nje çeles qe ta lehtesoje miksimin. Per shembull, mund te kombinohen aroma frutash, te cilat jane te nje natyre te ngjashme, si limon dhe portokall. Ose nje menyre tjeter: te vendoset nje fragrance e ngrohte poshte nje te freskete, apo nje eau de toilette nen nje eau de cologne”.
Megjithate, perseri specialistet thone se nuk ka rregulla te prera. “Nuk eshte e thene qe nuancat te perputhen. Ka te tilla qe kombinohen per mrekulli, te tjera qe me zor pranojne shoqeruese. Me te veshtira jane lulet: vjollca eshte nder me pak miqesoret”.

Çfare ka ne ajer valle?
Tashme neper qytetet kryesore te modes disa nga parfumerite me ne ze ofrojne dhe kete sherbim per klientet e tyre, me se shumti VIP. Behet fjale per keshillimin per perzierjen e nuancave sa te krijohet nje unike. Por ndersa VIP-at jane me te nxituar sepse i tremben paparaceve, te tjeret perfitojne me te vertete shume. Nuk dalin nga dyqani pa pasur nje parfum me emrin e tyre.
Kete mund ta beje gjithkush. Madje duke nisur nga tani. Duke shfrytezuar milimetrat e fundit te shisheve te vjetra te parfumeve, por qe shkojne me njera-tjetren, arrin te kesh nje parfum te ri. Askush nuk do ta njohe mes aromave me te cilat hunda eshte mesuar dhe kur do ju pyesin se ç’arome eshte kjo, jo vetem per sekret, do ta keni te veshtire te pergjigjeni.

Postime te Ngjashme:

• Si te zgjedh parfumin tim?
• Aromë pranvere
• Të luftosh gripin duke u parfumosur
• Një engjëll në tavolinën tënde
• Mungesa e Vitaminës D

Industria franceze e parfumeve dhe e kozmetikes eshte industria me e sofistikuar dhe me e suksesshme ne bote. Kjo nuk eshte nje rastesi…

Pranveren e kaluar, fushat e Grasse-it, nje qytet i vogel jo shume larg Mesdheut, ishin te mbuluara nga ngjyra te shumellojshme. Ajri ishte i mbushur me aroma lulesh e bimesh te ndryshme, lule portokalli, mimoza, jasemine, trendafila, vjollca e shume e shume bime aromatike te tjera, te cilat te distiluara dhe te paketuara ne shishe te stiluara ne menyra nga me te larmishmet, gjejne rrugen per ne parfumeri ekskluzive dhe sallone bukurie qe nga Parisi tek Patagonia, nga New Jorku tek Nagoi.
Grasse eshte vendi i lindjes se industrise se parfumit dhe, megjithese ne shume vende te tjera tashme kultivohen lule dhe bime aromatike per idustrine e parfumit, Riviera e Grasse, mbetet vendi me diellin me te mire, kushtet klimatike dhe gjeografike me te pershtatshme per rritjen e shendetshme te esencave te parfumeve. Kur ato distilohen per parfum, japin aroma shume terheqese dhe te kendeshme si per meshkujt ashtu dhe per femrat. Çdo njeri, ne nje kohe te caktuar, mban ere jo te kendshme apo nje perzierje ererash qe bezdis edhe vete personin si dhe te tjeret prezente. Nganjehere nje arome parfumi ju kujton nje person teper special, apo situate te rendesishme te jetes, te fshehur ne brazdat e kujteses qe ne nje moment kur ndieni aromen, rikthehet ne kujtese.

“Stilimi, shkenca dhe joshja” kjo parulle, eshte krijuar nga Christian Dior per parfumin “ Poison” qe perbehet vetem nga esencat e industrise franceze te parfumeve. Stilimi ne kombinim me substanca kimike e ben nje parfum te veçante dhe terheqes per individin. Shkenca eshte shume e perzier ne krijimin e nje produkti qe nuk eshte as shume i forte por as i dobet dhe qe ruan aromen per nje periudhe kohe te caktuar.

Perse perdorim parfumin
Joshja, eshte arsyeja kryesore pse njerezit jane te dhene pas produktit parfum. Ne Egjiptin e lashte, parfumi lindi ne nderim te perendive. Vete fjala “perfum” mendohet se origjinen e ka nga fjala latine “per fumum” nga tymosja. Zbulimet arkeologjike te varreve dhe hieroglifet tregojne se parfumi dhe make-up ishin shume te redesishme per grate qe ne kohen e piramidave. Ne shume pllaka varresh jane gjetur gjurme enesh ku vendoseshin aromatike per te shoqeruar shpirtin ne boten e pertejme. Ovidi kompozoi “traktakt mbi produktet e bukurise se femres” dhe zbuluesi i kremrave ishte greko-romani Galen, nje nga baballaret e ilaçeve dhe te farmacise. Por, modernizimi ne industrine e nxjerrjes se ketyre produkteve nisi nga shekulli 12-te dhe ishte pikerisht lekura e perpunuar ne doreza. Ne kete periudhe grate filluan te mbronin duart e tyre me doreza prej lekure dhe per te larguar eren e rende qe leshonte lekura e kafsheve, u zbulua nje menyre evitimi,- gjate punimit te tyre, te shtoheshin koncentrate nga bime aromatike. Ishte pikerisht efekti i ketyre koncentrateve qe me pas çoi ne zbulimin e parfumit, ne standarde me higjienen personale. Per nje kohe te gjate mendohej se aromatiket ishin luftues te infeksioneve virusale. Portokalli, molla e te tjera fruta e agrume, besohet se reduktojne rrezikun e infeksioneve.

Kur erdhen parfumet ne mode
Familja e parfumeve mori nje perhapje dhe zhvillim ne Europe ne shekullin e 17-te. Ne shek. 18-te, kur Parisi u be qendra e modes, elegances, prodhimtaria e parfumeve arriti nivele te reja. Pas nje periudhe kohe te shkurter, gjate revolucionit francez, prodhimtaria e parfumit u be shume me popullore. Napoleoni ishte themelues i “Eau –de- Colongne” ndersa Josephine preferonte parfume me aroma teper te renda. Ne shek. 19-te, dolen emra si Pinadi, Guerlani, Roger dhe Gallet, Molinard dhe Worth, tashme jane te fiksuar ne histori dhe edhe sot njihen si themeluesit e salloneve te bukurise. Frencois Coty dhe Renee Lalique, nje artist francez i prodhimit te xhamit, bashkepunuan se bashku ne vitin 1900 ne stilimin e shisheve te parfumit. Industria e modes ne degen e aksesoreve, nder me te rendesishmit njohu parfumin. Sot Franca eshte vendi i shume shtepive parfumerike. Ne Paris gjenden industri prodhimi dhe stilimi te parfumeve si; “Christian Dior”, “Charles Jourdan”, “Givenchy”, “Chanel” “Yves St. Laurent” dhe “Nina Ricci”. Keta te gjithe kane parfumet e tyre, nje segment shume i rendesishem i biznesit nderkombetar. Kozmetika sot eshte nje industri multi-billione dollareshe, ku perfshihen jo vetem parfumet por edhe make-up, kremrat e lekures, produkte mbrojtese te flokut, sapunat dhe preparate te tjera te tualetit, deodorante etj. Shume nga produktet me te famshme te kozmetikes vijne nga Franca.

Parfumi, jo vetem joshje
Industria franceze e parfumeve, tani ka punesuar me shume se 30.000 njerez, dhe mendohet qe me rritjen e kerkesave te parfumerise, do te rritet edhe numri i te punesuarve. Kur del nje parfum i ri, zgjedhja e titullimit nxjerr probleme, dhe persa i perket parfumit “Poison” Christian Dior shpjegon se ai vete u thoshte njerezve qe ishte nje emertim i koduar sepse asnjeri nuk besonte qe ne mund te vinim nje emertim te tille. “Poison “ ishte nje prodhim shume i suksesshem. Ne 15 muajt e pare te daljes ne marketet nderkombetare kapi nje shume prej 200 milione dollare.
“Charles Jordan”, nje emer shume i famshem nga Parisi tek “Beverly Hills”, nga Buenos Airesi ne Dubay per kepucet dhe per aksesore te ndryshem lekure, veshjet per femra si dhe per burrat si dhe per parfumet. Por, shume shtepi parfumesh dhe prodhimesh kozmetike kane marre drejtime te veçanta aksesori, ne fusha te ndryshme te modes. Gjithsesi koorporata ne shume vende te ndryshme jane perpjekur te imitojne shtepite parfumerike franceze dhe kane patur suksese te ndryshme. Franca mbetet vendi qe ka njohuri me te shumta, perberesit, ekpertizat,dhe “ sekrete” per ta vazhduar traditen e parfumit, tradite te cilen ata e udheheqin prej shume kohesh. Shume veçori, por kryesisht Grasse, i lejon qe ta mbajne vendin kryesor pergjithmone.

Postime te Ngjashme:

• Biznesi me arome miliardash
• Si te zgjedh parfumin tim?
• Do parfumin tend?
• Një engjëll në tavolinën tënde
• Coco Chanel

Parfumi i pare ne histori qe te ngacmon oreksin mbush pesembedhjete vjeç. Thierry Mugler feston me nje version tjeter te likerte.

“Te vjetruar” si konjaku

Ështe nje parfum i pangaterrueshem. Dhe, per here te pare, çdo dyshim qe ai te merr me te mire, rrezohet. Asnje i shendoshe menderisht nuk mund te pranonte te kunderten. Sigurisht, mund te te beje te humbasesh mendjen, ashtu si te mos te te pelqeje fare (rruge te mesme nuk ka), por vazhda e aromes eshte unike dhe aq e veçante sa te bie ne koke. Dhe krijon varesi. Ja cila eshte, me pak fjale, profili i Angel, fragranca qe ne 1992-shin, stilisti Thierry Mugler prezantoi produktin e ri ne boten parfumeve, duke e revolucionarizuar ate. Per here te pare ishte krijuar nje jus gourmand, nje oriental oreksndjelles qe te bente te humbisje mendjen.
Baza goxha e ndjeshme e çokollates flirton ne menyre te guximshme me paçulin, qe ne fillim te tremb, pastaj te habit, pastaj te pelqen, pastaj te ben te dashurohesh, pastaj ben xhiron e planetit. Dhe e pushton, bashke me mitikun flakon-yll me pese cepa, qe behet hajmalia e te gjitha grave qe ndihen gjysme-engjell dhe gjysme-djall. Qe atehere, ai qe eshte dhe sot nje nga parfumet me te shitur ne bote, festohet nga ana e firmes me prodhime te kufizuara me rastin e festave: sot, me shume se 13 yje, objekte te verteta per koleksion, me numrin e stampuar ne flakon (ne foto jane disa nga me figurantet). 15-vjetori i Angel ishte nje rast shume i rendesishem per t’u anashkaluar nga Mugler, qe vendos te impresionoje edhe njehere, duke shoqeruar boten e parfumeve me ate te likereve. Zgjedhja ngjason me konjakun, qe quhet engjelli i likereve. Me nje fund te kenaqshem: nje miks i rafinimit, persosmerise dhe shijes. Pasi u gjet Extrait de parfum Angel, qe çdo gje te ishte ideale per shkak te perqindjes se larte notave te mjaltit, karakteristike per konjakun, kerkonte qe te trajtohej si me i miri i likereve, pra te futej ne shishe e te lihej te vjetrohej ne fuçi.
Kjo sipermarrje e eksperimentuar per here te pare nuk ishte aq e lehte sa dukej: jo te gjithe druret e fuçive ishin te pershtatshem. Pas perpjekjeve te panumerta, u arrit ne zbulimin e drurit te qershise. Aty, pas mbikeqyrjes nga parfumuesja Francoise Caron, Angel u gjend mes elementesh te huaj per te: ajri dhe koha. Ekstrakti, i nxjerre pas 23 javesh nga procesi i maturimit dhe avullimit, eshte kontrolluar nga nje mjeshter i kantines franceze te Rémy Martin, Pierrette Triche: quhet La Part des Anges (Porcioni i Engjejve), nje perzierje ndjellese frutash te thata, ambre, mjalti, paçuli dhe nje nuance druresh; mbyllur ne nje yll blu te erret, kthesat e te cilave jane mbuluar me nje konstelacion guresh Swarovski. Fare pak kampione: 4742, me numrin e stampuar ne xham, qe siguron autenticitetin. Por çmimi ama, i pershtatet bleresve: 180 euro.

Dhe tani, u mbetet te ngrene gotat dhe te festojne.
Esenca e perftuar nga proceset e maturimit dhe avullimit ne fuçi eshte nje version fillestar i Angel, qe pasurohet me pas me aroma ambre e frutash te sheqerosura.

Postime te Ngjashme:

• Do parfumin tend?
• Aromë pranvere
• Një grim me provën e lotëve
• Historia e parfumeve
• Burrat me pantallona të shkurtra

Dy buqeta, nje per ty dhe nje per ate, si te behej fjale per nje burre dhe nje grua ne takimin e tyre te pare. Me ndihmen e atyre qe kane vertet hunde, kemi zbuluar kombinimet ideale, qe krijojne nje alkimi perfekte

Pasion brenda ne pallat

Syri, dihet, eshte i terhequr nga ajo qe e befason. Por edhe hunda. Te ndryshem ne pershtypjen e pare, duke u njohur, ai dhe ajo zbulojne se kane shume te perbashketa nuhatese, si per shembull: qitroja, limoni, paçuli, lulet e portokallit. Duhen dhe urrehen, por nuk dine ç’eshte indiferenca. Ështe ai qe le nje shije ekzotike dhe sensuale qelibari, paçuli dhe vaji prej nje rrenje indiane i perdorur per here te pare ne nje parfum dhe qe e ngerthen ate ne nje loje epshndjellese. Ajo, e mbeshtjelle nga nje bollek arome lulesh pylli, behet embelsisht lozonjare. Ne dhomat e pallatit ka shume qoshe per t’u zbuluar dhe vetem nje burre si ai arrin ta beje.

Larg shtepise

Kujdes, mos u genjeni nga fundi i tyre, perfaqesuar prej saj nga aroma e kafese te sapopjekur dhe prej tij nga shija e duhanit, ndoshta e nje cigareje te tymosur perpara oxhakut ne nje nate dimri. Ky çift nuk eshte krijuar per vatren shtepiake. E re, e vendosur, do gjithçka qe eshte ne mode, le nje shije qe nuk mund te harrohet lehte. E thjeshte te mos e besh duke pare Matthew Mcconaughey-n, imazhin e zgjedhur per te misheruar mashkullin Dolce&Gabbana. Joshes, ironik, eshte me e lehte ta imagjinosh mbi nje tryeze serfi ne Malibu sesa ne kuzhine. Si ajo, qe perveç te tjerave, ka te perbashket me te aromen e qelibarit.

Elegance pa kohe

Nje çift pa moshe. Elegante, te kujdesshem me kurimin e detajeve, nuk kane nevoje te demonstrojne asgje, ia mbathin nga çdo gje qe perben shume tendence dhe nga madheshtia me çdo kusht. Duan dizajnin edhe ne ambalazh, por gjithmone me nje shije retro dhe te sofistikuar qe i bashkon, perveç nje arome qe shperthen nga qitroja tek vanilja. Ajo eshte superfemerore, e sigurt ne vetvete. Edhe kur e takon. Jo rastesisht, kur Mademoiselle Chanel, ne vitet njezet, i kerkoi parfumierit me origjine ruse Ernst Beaux te krijonte nje parfum, te cilit i specifikoi qe te ishte “per nje grua me arome gruaje”. U tha, u be!

Joshje me çdo kusht

Te rinj, moderne, seksi, terheqes, te sigurt ne vetvete: krijojne nje alkimi perfekte, qe luan me jeten. Ajo ka nje sharm androgjen dhe nje veshtrim te pacipe prej garçonne, si ai i top modeles angleze Agyness Deyn, supertokesore rock, modele-simbol per Jean Paul Gaultier, e zgjedhur nga stilisti per te perfaqesuar parfumin. Ështe si nje dallge trendafilash perzier me aromen e cedrit, myshkut te perbashket me te, por me e thelle dhe me me shume ereza, ku qitroja dhe manushaqja perzihen me kanellen dhe aromen e gjetheve te duhanit. Ajo, e pacipe dhe provokuese, e ve ne loje ate, por eshte e joshur. Ai, me nje fund pikant, e kupton lojen dhe nuk ka ndermend te terhiqet.

Love story ne teater

Nje harmoni perfekte ne çift, te takuar ndoshta ne nje premiere teatri, e lindur nga interesa te perbashketa dhe nga vizioni i njejte per jeten. Perveç te tjerave, i bashkon nje nuance arome e lehte lulesh. Ajo eshte diskrete, e sofistikuar, e forte si diamanti, qe perfaqesohet ne flakon. Por ka edhe nje zemer te trendafilte, sytha portokalli dhe nje fund qelibari dhe erezash, e gjitha per t’u zbuluar. Ai ka nje sharm te pakapshem, por jo te pacipe, qe kundermon nga agrumet e fresketa dhe nuk imponohet. Nga njeri akt ne tjetrin, nje terheqje e forte dhe e thelle, qe vjen nga truri, mund te shpertheje ne nje pasion qe eshte i destinuar te zgjase.

Perputhje e embel

Nuk kane shume aroma te perbashketa. Ajo eshte nje pudrosje lulesh e embelsuar nga aroma te gjelbra dhe nga nje nuance meshini ne fund, ndersa ai, pas nje hapjeje me arome te fresket limoni dhe qitroje, ka nje zemer pikante e te bollshme xhenxhefili dhe speci djeges. Por funksionon dhe pelqehen. Ajo eshte misherim i feminitetit: e imet, e kendshme, delikate. Pervidhet nga nje mashkull “macho” dhe kerkon nje burre sharmant qe t’i jape siguri. Mundesisht i ndjeshem, i embel, sportiv dhe seksi aq sa duhet. Duket e thjeshte. Por kurthi eshte Jude Law, imazhi i zgjedhur nga Dior. Nuk do te kete dashuri me shikim te pare, por nje zjarr te ngadalte, qe zgjat.

Ne nje loje veshtrimesh
Ështe nje çift i sofistikuar. Ajo kundermon jasemin dhe misherohet nga top modelja Kate Moss, ai me i rrembyer dhe sensual, e ve theksin menjehere tek nje loje veshtrimesh. Duhet te njihen pak. Nuk kenaqen vetem me aromat e avullta (gardenie dhe limfe e gjelber ajo dhe agrume e ereza ai). Perveç flakoneve te erret dhe misterioze te tonkes, e embel dhe me nuanca te lehta vaniljeje, qe i afron ne nje sensualitet delikat, intim. Ështe nje mister i vjeter i dite-erresires, qe alternohet ne drite e hije me mundesi te pafundme. Perfshi edhe ate te te renit ne dashuri.

Postime te Ngjashme:

• Aromë pranvere
• Do parfumin tend?
• Të luftosh gripin duke u parfumosur
• Si te zgjedh parfumin tim?
• Historia e parfumeve

Shperthejne aromat e gezueshme, te lehta dhe dehese. Embleme e feminilitetit, parfumet me lule kthehen fuqishem, sidomos ne ditet e ngrohta. Sepse jane me romantiket

Simbole te zgjimit te natyres dhe vlerave te verteta, me aromat e petaleve e me nektarin e tyre transparent, qe joshin ne stinen e bukur. Buqeta joshese dhe ngjyra petalesh: parfumet e luleve u kthyen!

Very Irresistible, Givenchy

Nje buqete e parezistueshme me 5 trendafila, qe forcohet edhe me shume nga aroma e glikanxos dhe sensualiteti i paçulit. Nje fragrance e gjalle dhe e bollshme, qe josh njesoj si Liv Tyler, imazhi glamour. Nje parfum djallezor thellesisht i trendafilte.

Yves Saint Laurent, Elle

Nje bashkim i rralle i drureve me arome te forte, embelsuar nga cedri, qe ndizet nga aroma e bozhurit dhe zambakut. Nje harmoni perkedhelese paçuli e vetiveri Bourbon thekson dhe embelson kete arome lulesh e druresh, qe nxjerr ne pah gjithe tonet femerore. Flakoni i firmosur propozon pa komplekse ngjyren mitike ciklamin. Nje parfum thellesisht femeror per joshesen e re dhe moderne, pak luftetare dhe pak geishe.

Boss

Harmoni lulesh te bardha, zambak, jasemin, iris oriental i sofistikuar, qe forcohet me nota te kendshme nga rrushi pa fara dhe mandarina, por edhe nje prekje misterioze limoni. Nje interpretim mbremjesor dhe i thelle i Boss Femme. Nje parfum si lekure e dyte, qe sperkatet naten “paturpesisht”.

Marc Jacobs, Daisy

Arome e sofistikuar dhe e kthjellet, tamam si moda e krijuesit qe harmonizon gjethet e vjollces me jaseminin, gardenien dhe luleshtrydhen e eger me aromen e myshkut dhe ekstraktet e vaniljes. Nje buqete e fresket per vajzat me te reja.

Guerlain, L’instant magic

Parfum lulesh e druresh imagjinuar nga hunda e Randa Hammami-t. Trendafili dhe zambaku, nderthurur me myshkun e bardhe, ndizen nga aroma e cedrit dhe drurit te sandalit. Nje buqete qe njihet menjehere, qe e ve theksin ne te famshmen Guerlinade. Nje flakon-kontrast, qe luan me driten, duke lartesuar fragrancen tendence. Arome magjike, tamam si emri i tij!

Paco Rabanne, Black XS

Kokrrat e piperit te kuq magjepsin vjollcen e zeze dhe lulet e kakaos, nderthurur me trendafilin e Krishtlindjeve. Nje overdoze lulesh te erreta theksohen nga paçuli dhe vanilja e zeze, duke lene mbi trup nje arome te thelle. Arome paksa e paturpshme per vajzat rebele “dark”, qe adhurojne flakonin e skalitur.

Viktor & Rolf, Flowerbomb

Ështe nje nga parfumet me sensuale e me orientale. Ka aroma te perqendruara e nje nuance te forte glamour dhe chic. Frangranca te le si fillim shijen e limonit te hidhur, jaseminit, zambakut, luleve te bardha, balsamit. Por me te forta jane gjethet e mentes se thare, ambres dhe vaniljes.

Emilio Pucci, Vivara

Nje uje parfumi jeshil me arome lulesh riviere. Mandarina te hidhura pjekur nen rrezet e forta te diellit, petale jasemini, zambakesh e lule portokalli, nje perzierje aromash mesdhetare qe shperndahen ne ajer si udhetimet imagjinare.

Michael Kors

Nje parfum shkumezues me lule shumengjyreshe dhe fruta. Arome limoni portokalli dhe fiku, perzier me vjollca te erreta Parme. Nje kenaqesi e pakrahasueshme, qe vjen nga aroma e ullirit, kombinuar me ngrohtesine e myshkut te bardhe. Nje esence e stilit te jetes se embel te ishullit te Kaprit. Parfum shkumezues, femeror, sensual.

Ferragamo, Incanto

Kenaqesi absolute – kenaqesi e qetesise dhe harmonise – nga shetitjet e gjata ne natyre. Ndjesi lirie, sikur do te gjesh parajsen… Nje fragrance lulesh te frutave shumengjyreshe me te fresketa, si nje aureole drite rreth ylberit.

Lanvin, Rumeur

Nje parfum i rafinuar, terheqes, i parezistueshem, seksi dhe elegant. Per shkak te shijes enigmatike e misterioze, ky parfum eshte nje klasik, por edhe bashkekohor, qe e ben gruan qe eshte sperkatur me te, te lere gjurme te dukshme. Perzierje aromash frutash dhe lule manjole, trendafili te bardhe, zambaku, jasemini, por edhe druresh, si druri eremyk dhe myshku.

Oscar de la Renta, Red Satin

Oscar Red Satin eshte frymezuar nga dizajnet couture te Oscar de la Renta. Parfumi eshte bazuar ne aromen klasike “Oscar”, por me nje prekje moderne orientale.

Aromat e forta: portokall, mandarine, trendafil. Zemra e fragrances: lule portokalli, jasemin, shpatore. Aromat baze: mente, vanilje.

Postime te Ngjashme:

• Do parfumin tend?
• Një ajër me feeling
• Fustane nusesh
• Si te zgjedh parfumin tim?
• Historia e parfumeve